మారుతీశతకము3

                    మారుతీశతకము3
31.అండజరాజతుల్యవిభవాన్వితవేగసమన్వితాద్భుతో
ద్దండుని రామపాదయుగతామరషట్పద విశ్వసేవ్యునిన్
భండనభీమరామవిభుభక్తు సదాగతిశక్తియుక్తునిన్
చండభమార్గగామిఘనుసత్యపరాక్రముగొల్తు మారుతిన్
32.పరనారీవిముఖున్ పరాత్పరపదాబ్జాతార్చనాసక్తునిన్
దురితధ్వాంతదివాకరున్ ప్లవగసందోహప్రభూత్తంసునిన్
ద్విరదాస్య ప్రముఖాఖిలామరకులద్వేషైకవిద్రోహి సు
స్ధిరభక్తిన్ భజియింతు నామదినిసందీపించునమ్మారుతిన్.

33.నుతమందారగుణప్రభాన్వితు విరాణ్మూర్తి ప్రభాభాసితున్

తతవిజ్ఞానసుథాప్రభాన్వితసుధీధామన్ పరంధామస

న్నుతకామున్ నుతరామనామమయచిన్మూర్తిన్ హరిశోత్తమున్

సతతంబున్ గొలుతున్ మదిన్ వినుతసంస్కారున్ హరిన్ మారుతిన్.

34.సత్య విలాసు రామవిభు సత్తమదాసు సుధీజితామరా 

మాత్యుజితాసురౌఘ గుణ మాన్య కళైక విభాసు నిర్జితా 

దిత్యవిశేష తేజు వెనుదీయని భక్తి విసమ్రతన్   మదిన్ 

నిత్యము గొల్తు రామపదనిరజలగ్నమనస్కు  మారుతిన్ 

35.కరువలిముద్దుపట్టి కపికాంతు సమీరతనూ భవున్  హరిన్ 

తరుచరశేఖన్  నుతసదాగతిసూను ప్లవంగు కీశకుం 

జరు హనుమాను స్తుత్యకపిసత్తము  గంధవహాత్మజున్  వనే 

చరవరు  వానరాగ్రణి ప్రశస్త సుభక్తి  భజింతు మారుతిన్
36.కైసరి పాపమానిసితికంఠసుతాంశభవున్  హరీశ్వరున్
భూసతిపుత్త్రికేశసంపదభూషితమూర్ధునియ క్రోతిఱేని ని
ర్వాసితషడ్రిపూత్కరునవారితబాహుబలాభిరామునిన్
వాసవవందితున్ ప్లవగవల్లభు సుందరు గొల్తు మారుతిన్.
37.ఆరవిపుత్త్రమిత్రువిజితామరశత్రు పతత్రివాహనా
పారకృపాభివర్ధితశుభప్రకరాకారు స్తుత్యవానరున్
శ్రీ రఘురామదూత కపిశేఖరు కేసరినూను భక్తునిన్
క్రూరసురారిసంచయవిరోధి నుతింతు నెడంద మారుతిన్
38.శ్వసనకుమారు వానరు ప్లవంగకులాబ్ధిసుధాకరున్ హరిన్
అసమబలాకరున్ నుతసురారికులారి మరుత్తనూజు దు
ర్వ్యసనవిదూరకేసరివరాత్మజుత్ర్యక్షకళాంశభూషితున్
అసదృశభక్తిగొల్తు ననయంబునయంబున నేను మారుతిన్.
39.అగచరలోకపుంగవు నుతానిలపుత్త్రువనాటనాధు త
న్నగతతిభేదనున్ పవననందను కీశకులేంద్రు సన్నుతా
శుగతనయున్ కపిప్రభుని సుందరవీరవరున్ మహాబలున్
పొగడుదునాత్మసద్గుణవిభూషితశీలు సతంబు మారుతిన్.
40.భానుకుమారమిత్రుజితభానుమరీచివితాను రాఘవా
ధీనమనోభిరాము వితధీకృథరాక్షసశక్తియుక్తునిన్
దీనజనావనున్ పవనదేవునిగాదిలిపట్టిభక్తివి
జ్ఞానవిశారదున్ ప్లవగసత్తము కైసరి గొల్తు మారుతిన్.
41.వాయుతనూభవున్ సకలవానరనాయకు విద్రుమాననున్
స్ఫాయదుదారభావవిలసన్మతి తత్కపి వీరశేఖరున్
ధ్యాయితభూమిజాపతికధాంశు శివాంశభవైకమూర్తి నే
పాయక గొల్తు వ్యాకరణపండితు వానరనాధు మారుతిన్.
42.మారుతనౌరసున్ సుగుణమండలమండితపండితోత్తమున్
భూరుహచారిభీమబలుపూతచరిత్రు మహాబలాత్మజున్
శ్రీ రఘువీరపాద సరసిరుహలగ్నహృదంజాన్వితున్
వారిజబంధుపుత్రసచివాగ్రణి నేభజియింతు మారుతిన్
43.తరుచరవీరు రామపదతత్పరు వీరు కళాకారున్ సురో
త్కరవినుతప్రతాపు జితకాము ప్రశస్తపరాక్రమున్నుమా
వరచరణాబ్జషట్పదు ననివార్యమహాబలుని నఖాయుధున్
స్థిరతరభక్తినేనెడదజేర్చి భజింతు సతంబు మారుతిన్ .
44.కపికంఠీరవునిన్  నుతానిలసుతున్ కారుణ్యవారాన్నిధిన్
జపిసంఘార్చితపాదపద్మయుగునబ్జాతాదిసంస్తుత్యత
త్తపనాభాద్భుతసంప్రభాకలితు విధ్వస్తాఖిలాఘౌఘునిన్
ఎపుడున్ భక్తివినమ్రతన్ గొలుతు కీశేశున్ మదిన్ మారుతిన్.
45.గాడుపుముద్దుపట్టి నుతకాంచనశైలసమానదేహు  న
వ్వేడివెలుంగుకన్నుగలవేలుపువీర్రసముద్భవున్ హరిన్
నీడజవాహహనాదిసురనేతృనుతాగచరేశపుంగవున్
వీడక సర్వదా హృదివివిక్తసుభక్తి భజింతు మారుతిన్.
46.సామీరిన్ కపికాంతు కీశవరునిన్ సాకేతనాధస్తుతున్
కామక్రోధమదాదిశూన్యు విజితాకాశేశశత్రూత్కరున్
రామస్వామి సతంబు గొల్చు సుమనోరాజీవతేజద్భవున్
వేమారున్ భజియింతు తఛ్ఛ్రుతికళావేద్యున్ సదా మారుతిన్.
47.ఘనమేధావిని కీశచంద్రు హరి తత్కాకుత్సభక్తాగ్రణిన్
దిననాధాత్మజసేవకున్ పవనజున్ గాడ్పుకొడుకున్ వక్తన్ సదారాధ్యునిన్
మనసారాన్ భజియింతు తత్తరుచరున్ మాన్యున్ సదామారుతిన్.